2020 zoriontsu bat opa dizuegu!
31 December, 2019
Maskotak eta Koronabirusa
23 April, 2020
Egun badakigu txakurrek ulu egitea otsoengandik jasotako ezaugarri dela. Otsoentzat ulu egiteak funtzio komunikatibo, emozional eta soziala du.
Baina txakurrak zergatik jarraitzen du uluka, jada basatia ez bada?
Gizakiok gure inguruarekin komunikatzeko hainbat modu erabiltzen ditugun moduan; eskuak, musika, oihuak…berdin gure etxeko animaliek ere. Poztasuna adierazteko korri egin dezakete, buztana hanka artean ezkutatzea beldur direnean edo zaunka egin… besteak beste.
Zer esan nahi du txakur baten uluak?
Uluka egiten dutenean, berriz, hainbat kontu esan diezazkigukete:
1. Gure arreta deitzeko
Ulua taldearen arreta erakartzeko modu bat da, etxeko txakurren kasuan haien giza familiaren arreta. Zure txakurrak uluka egiten badu, litekeena da zure arreta eskatu nahi izatea beste estrategia batzuek, zaunka edo intziriak kasu, funtzionatu ez dutenean.
2. Antsietateak eraginda
Jakina da gizakia izaki soziala dela, baina bazenekien txakurrei eta otsoei ez zaiela bakarrik egotea gustatzen? Ulu egiten dutenean beraien taldea berriz elkartzea bilatzen ari dira eta non dauden zehazten dute oihu eginez.
Kasu horietan, ez dugu ahaztu behar gure hutsaz entretenitzeko jostailu batzuk uzteaz. Eta, jakina, berarekin paseatzera ateratzen saiatuko gara, bere beharrak egin ditzan, egunean pare bat aldiz gutxienez, eta ahalik eta denbora gehienean.
3. Beste soinu baten erantzun gisa
Txakurrek guk baino entzumen zorrotzagoa dute, ondorioz, gu entzuteko gai ez garen hainbat frekuentzia maila entzuten dituzte, esaterako, sirena hotsena. Adituen esanetan, zenbaitetan soinu horiek imitatzeko joera hartzen dute uluaren antzeko dei bat balira bezala identifikatzen dituztelako.
4. Mina sentitzen dutelako
Kolpe edo ebaki batek eragindako min fisiko biziaren aurrean, adibidez, txakurrek eta gizakiok oso erreakzio arruntak ditugu. Gu kexatu edo negar egiten badugu, txakurrek negar egiteko, zaunka egiteko edo uluak egiteko joera dute, eta hori beste modu bat da kausa beragatik kexatzeko.
Kolpe, eroriko, ebaki edo bestelako arrazoiren baten ondoren txakurra etengabe uluka hasten bada, eraman berehala albaitariarenera.
5. Lurralde arrazoiengatik
Zenbait txakurrek ulua beren lurraldea mugatu nahi dutenean erabiltzen dute. Kanpotarrari ohartarazteko modu bat da lur hori berea dela, eta hobe duela aldentzea, erasotua izan nahi ez badu.
Ulua, halaber, beste txakur lagun batzuk arriskuaz ohartarazteko bide bat da. Txakur batek uluka egin dezake etxearen eta bere giza familiaren osotasuna babesteko.
6. Beste txakur batzuekin komunikatzeko
Aurrez esan bezala, txakurra ere izaki soziala da, eta, horrek, beste kide batzuekin komunikatzeko nahia sortzen dio.
7. Bere giza familiarekin biltzeagatik
Pozez ere uluka egiten dute txakurrek. Hala, beren zoriona erakuts dezakete beren giza familiako kide guztiak etxera iristen ikustean, ordu askoan bakarrik sentitu ondoren.
Egia da txakur askok ez dutela inoiz uluka egiten, eta batzuentzat arazotzat har daitekeela; hala ere, jokabide hori naturala da haientzat. Gure etxeko txakurren herentzia aberatsa gogorarazten digun froga da, haien sen basatietako baten bidez azaleratzen dena.
Bibliografía:
https://www.mascoteros.com/blog/por-que-aullan-los-perros/
https://www.muyinteresante.es/mascotas/fotos/por-que-aullan-los-perros/15
https://www.trueinstinct.com/es/consejos-perros-gatos/por-que-aullan-los-perros
