Eskerrak eman nahi dizkiegu, modu batera edo bestera, Euskal Artzain Txakurra berreskuratzen laguntzen ari zareten pertsona guztiei: azoketara joanez; artzain txakurraren arrisku-egoeraz zuen kezka adieraziz; antolatzen ditugun jardueretan modu desinteresatuan parte hartuz; zuen artzain txakurrarekin Azterketa Genetikoan parte hartu nahian; Atlantikoaren beste aldetik idazten diguzuenei, artzain txakurra duzuelako; beren sena mantentzeko lan egiten duzuen artzainei; gure ikertzaile estimatuei Marian eta Maite; eta, nola ez, proiektu honek aurrera jarrai dezan ezinbestekoak zareten bazkide maiteei.

Abenduaren 28an, larunbata, Gabon Zahar Azokan izan ginen Elgoibarren, urteko nekazaritzako eta abeltzaintzako azken azoka tradizionalean, eta esan dezakegu balantzea ezin hobea izan dela.

Urtean batez beste 50 lagin biltzeko konpromisoa gainditu dugu, ia 90 lagin hartu baititugu. Gainera, 57 laginez osatutako lehen talde bat aztertu dugu, eta badaude Genomika Zerbitzu Orokorreko (SGIker) DNA Bankuko Unitatean. Hori Euskal Artzain Txakurraren Azterketa Genetikoaren proiektuaren (EATAG) lehen urratsa da.

Urtea bukatzen ari da eta lanak aurrera jarraitzen du, orain lehen txartelak prestatzen ari gara profil genetikoarekin, artzain txakurren jabeei emateko.

Euskal Artzain Txakurraren Adiskideak Facebooken bidez gure proiektua jarraitzera animatzen zaituztegu edo, nahi baduzue, gurekin harremanetan jartzeko idazkaritza@euskalartzaintxakurra.org helbidera mezu elektroniko bat bidaltzen.

Nola parte har dezake nire Euskal Artzain Txakurrak (Iletsua eta Gorbeiakoa)?

Hitzordu bat hitzartu  inprimaki hau betez. . Hitzordu bat adostuko dugu, eta odol lagin txiki bat hartuko dugu, EHUko DNA bankuan sartuko dutena.

Nola lagundu dezaket?

Azterlanaren finantzaketan laguntzeko egutegi bat argitaratu dugu, joan den irailean egindako gure argazki lehiaketan gehien bozkatutako argazkiekin; oso argazki politak agertzen dira.

Eskerrik Asko eta Urte Berri On !!!