Euskal Artzain Txakurraren adiskideekin berriz elkartzeko urtea izan da aurtengoa, eta lagun eta leku berriak ezagutzeko aukera ere eman digu, ohiko hitzorduetan , Abadiño, Idiazabal, Amaiur, Uharte Arakil, Itziar… eta baita berrietan ere, Ultzama, Amurrio, Biarritz eta Leioan.

Aurrera jarraitzen dugu EATAG, Euskal Artzain Txakurraren Azterketa Genetikoaren proiektuarekin, lagin berriak gehituz, eta aurreratu dezakegu dena prest dugula parte-hartzaile bakoitzari profil indibidualak ematen hasteko.

Eta urtea proiektu berri bat aurkeztuz hasi nahi dugu. Urte batzuk bageneramatzan gure gutunean idazten, eta, azkenean, Mari Domingik eta Olentzerok elkartean utzi diguten argazki artxiboa erakusteko moduan gara, Euskal Artzain Txakurraren memoria grafikoa zabaldu eta gordetzeko.

Espero dugu guk Euskal Artzain Txakur baten argazki zahar bat aurkitu izan dugun bakoitzean edo elkarteko argazkiak bildu ditugunean gozatu dugun bezala gozatzea zuek ere argazki hauek ikusiz.

Jai zoriontsuak opa dizkizuegu, 2023a adiskideen besarkadez betea egotea, txakurren atxutxoiez, eta denei oso ondo joatea dstorkigun urte honetan!!!

Nola lagundu dezaket?

Azterlanaren finantzaketan laguntzeko egutegi bat argitaratu dugu, joan den irailean egindako gure argazki lehiaketan gehien bozkatutako argazkiekin; oso argazki politak agertzen dira.

Formulario honen bidez eska dezakezue.

Euskal Artzain Txakurraren Adiskideak Facebooken bidez gure proiektua jarraitzera animatzen zaituztegu.

Urte Berri On !!!