Marian M. de Pancorbok aurkeztu zigun, joan den maiatzaren 14an, Iletsua eta Gorbeiakoa barietateetako Euskal Artzain Txakurraren lehen 200 odol laginak aztertzetik ateratako aurretiazko emaitzen aurrerapena.

Azpimarratzekoak dira 2020an EHATErekin (Euskal Herriko Artzain Txakurren Txapelketa Antolatzaileen Elkartea) sinatutako akordioaren emaitza onak, bereziki lankidetza-giroa eta bazkideen inplikazioa koordinazio-lanetan eta Euskal Artzain Txakurrarekin lan egiten duten abeltzaintza-ustiategietarako sarbidea erraztuz. Orain arte, Euskal Artzain Txakurraren 80 ale batu dira EATAG proiektura, eta horien analisi genetikoaren kostuaren % 50 finantzatu dute.

Aurreikuspenen arabera, 2021. urtearen amaierarako 300 lagin hartuko dira.

Azterlana egiten ari den taldea honako hauek osatzen dute: maite Alvarez, SGIker Genomica zerbitzuaren arduraduna: DNA Bankua; Ruth Moreira, TFM, Auzitegiko Analisia Masterrean; eta Marian M. de Pancorbo, UPV/EHUko BIOMICs taldeko katedraduna eta ikertzaile nagusia.

Profil genetikoak lortzeko, bi sistema erabili dira: ISAGk gomendatutako 18 markatzaileko sisteman oinarritutako profila eta 13 markatzaile genetikoko CaDNAP 13-STR panelean oinarrituta lortutako profila, Biomics Taldeak Innsbruckeko Unibertsitatearekin egindako lankidetzatik abiatuta.

Ondorengo bideoan, Marianek ahaidetasunaz, odolkidetasunaz eta ikerketaren nondik norakoez hitz egiten digu.