Non adoptatu Euskal Artzain Txakur bat?

Galtzeko arriskuan dagoen arraza izan arren, maiz iristen zaigu “Euskal Artzain Txakurra” txakurtegietan eta harrera-zentroetan dauden aleen berri.

Ale horiek zentro horietan biltzen dira, hainbat arrazoirengatik: abandonatuak, galduak, kontrolik gabeko kumaldiak, …

Kasu batzuetan, kendu egin dituzte artzaintzarako ahalmenik ez dutelako; beste batzuetan, zahartu egin dira urte asko lanean eman ondoren, edo ezin izan dira artatu. Are gehiago, egoera batzuetan jabea hil egin da, eta ez dago inor arduratzeko.

Zoritxarrez, presazko kasu batzuetan jakinarazten da ez badituzte hartzen sakrifikatu egingo dituztela.

Adopzioaren zain dauden Euskal Artzain Txakurraren aleak ikusarazteko asmoz, EATAdiskideak Elkarteak  Facebook talde bat sortu du:

Euskal Artzain Txakurra Etxe Bila // Adopciones Euskal Artzain Txakurra

Horretarako, harrera-zentroetan, txakurtegietan eta etxe partikularretan dauden Euskal Artzain Txakurraren aleak aurkitu, bildu eta zabaltzeko lana egiten dugu, txakurtxo horiek ahalik eta lasterren etxe bat aurkitzea erraztuz.

Zer egin txakur bat galduta aurkitzen badut?

Edozein albaitarirengana jo dezakegu, txakurraren identifikazioa irakurriko du doan eta Txakurren Erroldan kontsulta eginda jabea aurkitzen saiatuko da.

Mikrotxipik ez balu berriz, Udaltzaingora jo behar dugu bere bila joan daitezen.

Nola egin mikrotxiparen datuen kontsulta txakurren erroldako datu basean?