Joan den urtarrilaren 13an, harriduraz eta atseginez hartu genuen Irulegiko Irratiaren gonbidapena.

Saray Uranga Euskal Artzain Txakurraren Adiskideak elkarteko kideak Euskal Artzain Txakurraren bi aldaerek, Iletsuak eta Gorbeiakoak, dituzten ezaugarri morfologiko bereizgarriak, duten izaera eta artzaintzarako trebetasuna azaltzeko aukera izan zuen.

Euskal Artzain Txakurraren egoera zein den ere azaldu zuen, “galtzeko arriskuan” katalogatua egoteko arrazoiak zein diren eta azkenik Euskal Herriko Unibertsitatearekin egiten ari garen ikerketa genetikoaz ere azalpenak eman zituen..

Irulegiko Irratia Donibane Garazin (Behe Nafarroa) dagoen irratia da.

2021eko urtarrilaren 22an Irulegiko Irratiko Tokiko Gaiak saioan emandako elkarrizketaren audioa.