Uda badator eta basagaragar buruen garaia dugu eta landare hau arriskugarria da txakurrentzat.

Maleziarik gabeko landaretxo honek bere aleak garraiatzeko bide eraginkorra erabiltzen du, alegia, behar adina hurbiltzen zaion animaliaren baten ile tartean kateatzea.

Landarearentzat hain ona den berezitasuna hau eta hain dibertigarria umeentzat, gaixotasun bide izan liteke txakurrentzat. (altxa dezala eskua lagunen jertseetara basa garagar buruak botatzen jolasean ibili ez denak! ).

Landa eta erreten zuloetan sarrien aurkitzen dugun mota Hordeum murinum L edo basa garagar burua da.

Zenbat eta lehorrago izan orduan eta gogorragoak dira basagaragar buruak eta erraz banatzen dira basagaragar-burutxoetan eta zailago egiten da topatzea eta ateratzea.

.

Ohikoa da hanketako, bizkarreko, buztaneko ilean kateatzea baina normalean ez du arazo handirik sortzen garaiz kentzen badira eskuaz edo eskuilaz.

Arazoa korapilatu egiten da basagaragar-buruak edo buruxkak belarrietan, sudurzuloetan edo bestelako zuloetan, begietan, tolesduretan hala nola galtzarpeetan, iztaietan,belarrietan, hanka azpiko kuxinetan, azkazaletan, e.a.etan sartzen direnean. Zailak dira topatzeko eta gainera basagaragar-buruak tokiz mugitzen joaten dira poliki poliki eta azal barruan sartzen eta horrela infekzioak sortu, tinpano zulatu eta birikiak zulatzera ere iristen dira.

Aholkuak:

Landa edo soloetan ibiltzen garen bakoitzean ondo aztertu txakurrak.

Eskuilatu edo orraztu, hanka azpiko kuxinak, belarriak eta tolesdura lekuak aztertu.

Begiratu ia ohiz kanpoko zerbait duen txakurrak, esaterako errena, doministikuak edo eztula, hauexek izan litezke eta basagaragar-bururen bat duen seinale.

Albaitariarenera joan:

Basagaragar-bururen bat topatzen badugu baina ez bagara ziur osorik ateratzeko gauza izango garenik onena albaitariarenera eramatea da.

Gorputzeko guneren bat ikusten badugu gorrituta, arakaiztuta, edo gaiztotuta ikusten badugu litekeena da azalean, begian, ahoan, e.a. sartutako basagaragar-bururen batek sortua izatea eta albaitariak tratatu behar izango du. Kasurik larrienetan ebakuntza egin beharra gerta liteke.

Pasiotik bueltan azterketa erraz bat eginda arazo larria saihestu genezake.