Aralar Mendi Kultur Elkarteak antolatutako “Artzai Eguna” 52. edizioa ospatzen da Uharte Arakilen eta bertan artzantzan emakumeek duten papera ikusarazi eta aldarrikatzea dute helburu.

Jarduera programa zabala izango da:

• Ardi-gazta nola egiten den
• Talde folklorikoak
• Artisautza azoka
• Ardi moztaileen txapelketa
• Nafarroako artzain txakur txapelketa Oñatiko nazioarteko txapelketan zein Euskal Herrikoan sailkatzeko baliagarria izango dena.

Aurten ere Euskal Artzain Txakurraren Adiskideak Elkarteko kideak Uharte-Arakilen izango gara Euskal Artzain Txakurren (Iletsua eta Gorbeiakoa) inguruan behar duzuen informazio guztia emateko. UPV/EHU-ko BIOMICs Taldearen lankidetzarekin egiten ari garen Euskal Artzain Txakurrari buruzko EATAG Proiektua izeneko ikerketari buruzko informazioa ere egongo da.

Nahi al duzu zure Euskal Artzain Txakurrak ikerketan parte hartzea? Etorri zure txakurrarekin eta odol lagin txiki bat aterako diogu, UPV/EHUko ADN bankuan gordetzeko. Desagertzeko arriskuan dagoen arraza honen dibertsitate genetikoaren maila ezagutzeko aukera emango digun ikerketa.

Hurbildu zaitez, zure partaidetza garrantzitsua da!