2011-2019 epean erregistratutako aleak
2019. urtean erregistratutako aleak
Arraza batek kumatzeko gai diren 1000 eme baino gutxiago dituenean galtzeko arriskuan dagoela esaten da
Bigarren urtez jarraian, behera egin du Euskal Artzain Txakurraren (EAT) erregistro berrien kopuruak
RSCEek 2019. urteari buruz argitaratutako datuek erakusten dute, bigarren urtez jarraian, aleen erregistroak behera egin duela, 49 ale berri baino ez baitira erregistratu. Horrek esan nahi du% 27,94 jaitsi dela aurreko urtearekin alderatuta.
2018an hautsi egin zen EATko erregistroen joera positiboa, 2015etik gora egiten ari zena, eta 108 ale berri izatera iritsi zen 2017an.
Beheranzko joera hau Eusko Jaularitzak duen mikrotxipa ezartzen zaien etxabereen informazioa biltzen duen "Regia" errejistroan ere antzematen da. Errejistro honek mota guztietako Euskal Artzain Txakurren informazioa biltzen du, baimendutako epaileek ofizialki arrazako izendetutako txakurrak eta inongo epailek arraza garbikotzat izendatu eztituenak barne.
Euskal Artzain Txakurraren egoeraren grafiko gahiago ikusi
Gure helburua: EZ DAITEZELA DESAGERTU
Euskal Artzain Txakurra desagertu ez dadin zaindu behar dugun ondare natural eta kultural bat da
Euskal Herriko txakur arraza autoktonoetako bat da.
Gaur egun desagertzeko arriskuan izendatuta dago dagoen ale kopuru urriagatik.
Arraza bat desagertzeko arriskuan dagoela esaten da kumatzeko gai diren 1000 eme baino gutxiago dituenean.
Euskal Artzain Txakur arrazak bi aldaera ditu: Iletsua eta Gorbeiakoa
Bien arteko ezberdintasun nagusiak ilearen kolore eta testura, buruaren forma eta muturraren luzera eta proportzio anatomikoak dira. Ikus ezazu arrazaren estandar grafiko alderatua ezberdintasun morfologikoak ikusteko.
Euskal Artzain Txakurraren Adiskideak elkartea Euskal Artzain Txakurraren errekuperazio, hobekuntza eta hedapenaren alde lanean egin nahi dugun pertsona talde batek osatzen dugu.
2016. Urtean sorturiko irabazi asmorik gabeko elkarte bat gara. Taldeko lana gustuko dugu, baita arraza autoktonoen errekuperazioan lanean ari diren gainerako elkarteekin elkarlanean aritzea eta esperientzia eta gauzak egiteko modu egokiak trukatzea ere.
Ikerketa genetikoa
EATAG Proiektua
2018-ko Azaroaren 20an, Euskal Herriko Unibertsitatearen eta EAT Adiskideak Elkartearen arteko lankidetza hitzarmena sinatu zen, arrazaren egoerari buruzko informazioa emango digun ikerketa genetikoa egiteko.
Artzainei gerturatzea
Beste txakur arraza batzuen mesedetan garrantzia galtzen ari dela ikusirik artzainak berriz ere gure arraza lanerako aukeratzera animatu nahi ditugu.
Euskal Artzain Txakurra ezagutaraztea
Euskal Artzain Txakurra txakur arraza ezezaguna da jende askorentzat. Bere gaitasun eta ezaugarriak erakutsi nahi ditugu.
Urtean zehar, aukera asko dituzu gu ezagutzeko
Ekitaldien atalean zein Facebookeko horman parte hartzen dugun azoka eta erakusketa interesgarrien berri ematen dugu.
Elkarteak antolatzen dituen jarduerei buruzko informazioa ere aurkituko duzu, EATAdiskideak Elkarteari buruzkoa, naturgune interesgarrietara eta mendira eginiko irteerenak, argazki lehiaketenak eta Euskal Artzain Txakurrarekin erlazionaturiko beste edozein jarduerenak.
